Ministri Dr. Xhemail Çupi, takim zyrtar në Berlin me homologen gjermane znj.  Reem Alabali-Radovan, Ministreshën e Shtetit në Kancelarinë Gjermane dhe Komisioneren Federale për Migracionin, Refugjatët dhe Integrimin në Kabinetin e Kancelarit z. Olan Scholz, ishte e një rëndësie të madhe.

Në selinë e Organizatës Ndërkombëtare për Migrim për Gjermani (IOM Germany) ministri Dr. Xhemail Çupi, realizoi takim me kreun e kësaj organizate, z. Jean-Philippe Chauzy. 
Bashkërisht shkëmbyen mendime dhe propozime për mënyrën e bashkëpunimit të mëtutjeshëm në fushën e mbështetjes së IOM-ës në realizimin e aktiviteteve në fushën e diasporës.  

Në qytetin e Berlinit, ministri Dr. Xhemail Çupi, vizitoj Qendrën Kulturore Shqipare Islame “Isa Beu”. 
Ajo që na karakterizon si popull është bujaria, andaj duke qenë në muajin e agjërimit, me kënaqësi të madhe ministri Dr. Xhemail Çupi, pranoi ftesën e hoxhës Remzi Xhaferi dhe pjestarëve të kryesisë për një iftar të përbashkët, e më tej e njoftua me qendrën e tyre multifunksionale dhe biseduam për projektet e së ardhmes.

Ministri Dr. Xhemail Çupi i shoqëruar nga Ambasadori i Republikës së Maqedonisë së Veriut në Gjermani z. Ramadan Nazifi, vizituan Shoqatën islame shqiptare “Jakup Asipi”, në Berlin.