12 октомври 2017

Министерот во Владата на Република Македонија Едмонд Адеми задолжен за дијаспората денеска оствари средба со пратеникот и Потпретседател на Групата на социјалистите и демократите во Европскиот парламент, проф. Јозеф Вајденхолзер, заедно со неговата делегација, каде што разговараа за заеднички точки и соработка во блиска иднина меѓу Република Македонија и Европската унија.

Министерот Адеми го информира за информацијата за Национална стратегија и работните групи што ги формира, целта која ќе создаде можности и ќе го отвори патот за соработка меѓу државата и дијаспората.

2 октомври 2017

За прв пат во Република Македонија, една Влада се реши прашањето на дијаспората да го крене на едно повисоко политичко ниво. Тоа ни даде за сериозна обврска на прашањето на дијаспората да му пристапиме систематски и непопулистички, во насока на долгорочно решавање на проблемите на дијаспората. Не беше тешко да се утврди дека Македонија нема никаква стратегија во однос на дијаспората. Тоа е така, затоа што, досега, на дијаспората се гледало само низ призмата на изборниот глас.

Нашата цел е тоа да го промениме.